हमर कुमो

हमर कुमो कि बात छि;

चोमास कि रात छि;

भुला खिन आ रच्यो जर;

इज्या ले को लाग ग्यो उ छ्ल..

मेके भुत-भातन मे विश्वास त नि छ्यो;

कि करु मुर्गा- बाकरा मीट याद आ ग्यो;

मेल क्यो बाबु त मीट नामले अ हा ..न ना .. कोनान,

छ्लको बहान सही, मीट खाना मोक मिल ग्यो..

मास दाल, द्गड हल्दो मिर्च, थोड चोल

थाम बे काउ कुकुड एक आसी,

मेल लगा, रम्वा, टिक्वा, झुपरया के धात छि;

हमर कुमो कि बात छि;

चोमास कि रात छि;

दगडि लिबेर मे पुजि ग्यो गाड;

शुरु कर्छि लिबेर डुन्गा कि आड;

ऊं भ्रुम ष्रुम ...कबेर गुरु हो ग्या शुरु;

पानि छिड्क बे बल: हे गाड मषाण कुक्कुड्म ग्रह्न कुरु..

जर्र कर बे कुकुड ले ग्यौ बरकी;

हमर ले नजर कुकुड मै फ़रकी..

सब्बे सुचण छ्या; एक टान्ग काट्न्या कि, एक टान्ग होलि मेरि,

आज त मीट खोल मे पेट भरि...

अब आ ग्ये बारि कु बनो जल्लाद;

कु करो कुकुड क्वात;

इतन मे उठ ग्यो फ़ौजि रुकूम ;

बोल छि " दो बन्दे को हुकुम"

अरे मेने जम्मु कश्मीर मै दर्जनो मिलिटेन्ट मारा;

ये तो छोटा सा हि कुकुडा जो ठेरा"

थाम बे कुकुडा मुन्डी चलाछि आसि,

काट बे मुन्डी दिखाछि जल्लादि हासि;

इतन मै कुकुडा ले करि फ़ड-फ़ड..

पकडो पकडो कोन तक गाड पुजि ग्यो धड...

चोमसे गाड छि, अतोर गाड छि;

देखन-२ कुकुड बगि ग्यो गाड छि;

बस मुन्डि र गे हाथ छि..

हमर कुमो कि बात छि;

चोमास कि रात छि;

pc bhatt

pc_lkj